კალაძე არ გამორიცხავს, რომ მაკკეინის სახელი რომელიმე ქუჩას ეწოდოს

კახა კალაძე

კახა კალაძე გამოეხმაურა, ევროპული საქართველოს ინიციატივას, რომლის მიხედვითაც თბილისში ერთ-ერთ ქუჩას მაკკეინის სახელი უნდა მიანიჭოს. თბილისის მერი არ გამორიცხავს, რომ შესაძლებელია ეს გადაწყვეტილება მიიღონ, თუმცა აუცილებელია საკითხზე საკრებულომ იმსჯელოს.

„შეიძლება ამ საკითხის განხილვა, დაველოდოთ საკრებულოს გადაწყვეტილებებს,“ – აცხადებს დედაქალაქის მერი.

შეგახსენებთ, რომ ინიციატივა საკრებულოში ევროპული საქართველოს ფრაქციის თავმჯდომარეს, გიორგი გაბაშვილს ეკუთვნის. დეპუტატის თქმით, სენატორის დამსახურება საქართველოს მიმართ იმდენად დიდია, რომ ეს იქნება სიმბოლური გადაწყვეტილება, რომელიც გამოხატავს ქვეყნის მადლიერებას მაკკეინის მიმართ.

დაწერე კომენტარი