კოლუმბიაში, საპროტესტო აქციებზე 115 ადამიანი დააკავეს

კოლუმბიის პოლიცია

კოლუმბიაში, ქალაქ კალიში არეულობის შედეგად 115 ადამიანია დაკავებული. ამის შესახებ ინფორმაციას ადგილობრივი პოლიციის წარმომადგენელი უილიამ რუისი ავრცელებს.

მისი განცხადებით, საერთო ჯამში არეულობის შედეგად დაშავდა 97 ადამიანი, მათგან 46 – პოლიციელია. არეულობის პარალელურად ძარცვის 56 ფაქტი დაფიქსირდა. ვანდალებმა დააზიანეს 19 ავტობუსი და საზოგადოებრივი ტრანსპორტის 5 მოსაცდელი. 

„სიტუაცია კონტროლირებადია. მთელი ქალაქის მაშტაბური პატრულირება გრძელდება“, – აცხადებენ პოლიციაში.

საპროტესტო აქციების გამო კოლუმბიამ 20 ნოემბერს 2 დღით საზღვრები ჩაკეტა. 18 ნოემბერს ცნობილი გახდა, რომ კოლუმბიის პრეზიდენტი, ივან დუკე მოაწერს ხელს ბრძანებას, რომელიც მერებსა და გუნერბატორებს საზოგადოებრივი წესრიგის უზრუნველყოფსთვის საგანგებო ზომების მიღების ნებართვას აძლევს.​ კერძოდ, აიკრძალება იარაღის ტარება, შეიზღუდება ალკოჰოლის გაყიდვა და მოხმარება, არაა გამორიცხული კომენდანტის საათის დაწესებაც.

თავდაპირველად, საპროტესტო აქციები სტუდენტური მსვლელობების სახით უნდა გამართულიყო, თუმცა შემდეგ, პოლიტიკურმა ოპოზიციამ იმავე დღეს საყოველთაო გაფიცვა დააანონსა.

ხელისუფლება შიშობს, რომ საპროტესტო აქციები შესაძლოა, ლათინური ამერიკის სხვა ქვეყნების სცენარით განვითარდეს, სადაც ვანდალიზმის შემთხვევებსა და არეულობებს ასობით ადამიანი ემსხვერპლა.

პოპულარული

"ღმერთმა გამოაჯანმრთელოს ჩემი ხათუნა" - ზურა ხაჩიძის და ხათუნა ჟორდანიას ფოტო საავადმყოფოდან
“რა მოხდა რეალურად?- ხმამაღლა შემიძლია ვთქვა, მე და თიკა ჯამბურია…” – ია ტომაში დუმილს არღვევს
"გახარიამ ბახტაძის კადრების წმენდა დაიწყო"- ოპოზიცია
"შეგშურდათ და ნელ-ნელა მოკალით... ფუ თქვენი!" - რეჟისორი მაია კიკაბიძე ზაზა ურუშაძის "მკვლელებს" ასახელებს
დაწერე კომენტარი