,,კვლავ მძვინვარებს მცოცავი ოკუპაცია” – ნიკა მაჭუტაძე

machutadze

,,სახელმწიფო ხალხისთვის” თავჯდომარე ნიკა მაჭუტაძე facebook-ზე სტატუსს აქვეყნებს:

კვლავ მძვინვარებს მცოცავი ოკუპაცია, იგი ყოველდღიურად, კვლავ შთანთქავს საქართველოს სახელმწიფოს ფიზიკურ და პოლიტიკურ სხეულს, მოქალაქეთა ყველაზე ფუნდამენტურ უფლებებს, მათ თავისუფლებას. რუსული იმპერიის ყოვლისმომნელებელი სტომაქი კვლავ ძიძგნის ჩვენს სასიცოცხლო სივრცეს.

აქ კი, საზოგადოების სრული კონსოლიდაციის მაგივრად, ხელისუფლება ეწევა თვითიზლაციას, სპობს ეროვნული კონსოლიდაციის ყველა შესაძლებლობას.

ამიტომაც გვჭირდება შეთანხმებული კონსტიტუცია, ერთგვარი სინდისის დოკუმენტი, რომელიც განამტკიცებს ჩვენს თანაარსებობას, ჩვენს ხელშეკრულებას, საერთო სახლს – ქართულ სახელმწიფოს.

ეროვნული კონსტიტუცია – დაწერილიც, ბუნებითიც, როგორც ქცევის მოდელი, როგორც თავისუფლების ტრადიციად დამფუძნებელი – მხოლოდ ეს მოახერხებს ხალხის საზოგადოებად ჩამოყალიბებას, რომელიც აღადგენს საქართველოს სახელმწიფო სხეულსაც და ნამდვილ შინაარსებსაც, ნამდვილ პოლიტიკასაც ამ სახელმწიფოში.

წყარო:FTI.GE

დაწერე კომენტარი