„კანონიერი ქურდი“ მინდია გორაძე თურქმა სამართალდამცავებმა ქართული მხარის მოთხოვნით დააკავეს

თურქეთის ქალაქ ტრაპზონში ქართველი „კანონიერი ქურდი“ მინდია გორაძე დააკავეს, რომელიც კრიმინალურ სამყაროში „ლავას ოღლის“ სახელით არის ცნობილი.

ინფორმაციას ამის შესახებ გორაძის ადვოკატი ალექსანდრე კობაიძე ადასტურებს, თუმცა „კანონიერი ქურდის“ ინტერესების დამცველისთვის ბრალდების დეტალები ჯერჯერობით ცნობილი არ არის.

„პრაიმტაიმის“ ინფორმაციით კი, „ლავას ოღლის“ დაკავება ქართული მხარის მოთხოვნის საფუძველზე მოხდა. შინაგან საქმეთა სამინისტროში დაგვიდასტურეს, რომ „ე.წ. კანონიერი ქურდი ორმხრივი თნამშრომლობის შედეგად არის დაკავებული“.

36 წლის მინდია გორაძე ინტერპოლის წითელი ცირკულარით იძებნებოდა, თუმცა მედიაში ხშირად ვრცელდებოდა ფოტო და ვიდეო მტკიცებულებები, რომელიც მის თურქეთის ტერიტორიაზე ყოფნას ადასტურებდა.

საქართველოში მას ცოტა ხნის წინ დაუსწრებლად 12 წლიანი პატიმრობა მიესაჯა. ბოლოს მინდია გორაძის სახელმა წალკაში ჩატარებული სპეცოპერაციის კონტექსტში გაიჟღერა. გამოძიების ინფრომაციით, ქურდული სამყაროს წევრობის ბრალდებით დაკავებულ პირებს კავშირი ჰქონდა თურქეთში მყოფ „კანონიერ ქურდებთან“, მათ შორის ჯეირან კინწურაშვილთან და მინდია გორაძესთან.

primetime.ge

loading…

პოპულარული

პარტიული რევოლუცია ბიძინა ივანიშვილის დასამხობად - რა მოლაპარაკებებს მართავდნენ კვირიკაშვილი და ხაზარაძე (ვიდეო)
ევროპის ჩემპიონის ცემის სკანდალი - ვეტერანი სპორტსმენები გეგეშიძის ქმედებას სამარცხვინოს უწოდებენ და საკითხის შესწავლას ითხოვენ
ლენინის მუმიის დამარხვა რუსეთში პროტესტებს გამოიწვევს - პუტინის მრჩეველი
"ქართული ოცნების“ სადამსჯელო ბრიგადები - დაუსჯელი ზონდერები, რომლებიც კორცხელში პოლიტიკოსებს სცემდნენ, ახლა კი გამოჩენილ სპორტსმენებს უსწორდებიან (ვიდეო)
დაწერე კომენტარი