კალაძემ კეთილმოწყობისა და არქიტექტურის სამსახურის თანამშრომლები გაათავისუფლა

დედაქალაქის მერმა თბილისის მთავრობის სხდომა თანამშრომელთა გათავისუფლებით დაიწყო. კახა კალაძის განცხადებით, გათავისუფლებულია, თბილისის მერიის კეთილმოწყობისა და არქიტექტურის სამსახურის ორი თანამშრომელი. თბილისის მერმა შიდა აუდიტის მიერ ჩატარებული შედეგები გაასაჯაროვა.

“ადგილი აქვს კეთილმოწყობისა და არქიტექტურის სამსახურის ორი თანამშრომლის მიერ ინტერესთა შეუთავსებლობის წესის დარღვევას. კერძოდ, ადგილი ჰქონდა ოჯახის წევრებთან დაკავშირებულ საქმის წარმოებაში მიღებულ მიკერძოებულ გადაწყვეტილებებს. მსგავსი ფაქტები, რა თქმა უნდა,  ძალიან ცუდად აისახება თბილისის მერიის იმიჯზე და მერიის თანამშრომლების მუშაობის ხარისხზე.

“მე არაერთხელ განვაცხადე და კიდევ ერთხელ გავიმეორებ, რომ ჩვენ გვჭირდება მხოლოდ და მხოლოდ პროფესიონალი ადამიანები. კეთილსინდისიერი ადამიანები, ვინც მოემსახურება ამ ქალაქს და ამ ქალაქში მცხოვრებ ადამიანებს. შესაბამისად, ასეთი ადამიანები, ვინც არაკეთილსინდისიერად მოიქცევა, ჩვენთან არ და ვერ იმუშავებს,”-განაცხადა კალაძემ.

თბილისის ვიცე-მერის, ირაკლი ხმალაძის განცხადებით, ის ვერ დაასახელებს იმ ორი თანამშრომლის სახელსა და გვარს, რომლებიც გათავისუფლდნენ. ხმალაძე ამბობს, რომ ორივე გათავისუფლებული საკუთარი ოჯახის წევრების სასარგებლოდ სუბიექტურ გადაწყვეტილებებს იღებდნენ.

loading…

პოპულარული

ფოტოები, რომელსაც ემოციის გარეშე ვერ ნახავთ - როგორ დახვდნენ ლადო აფხაზავას ჩიბათის სკოლაში
მამა პანტელეიმონის მეუღლე, 29 წლის ბარბარე მძიმე ავადმყოფობის შედეგად გარდაიცვალა
ლადო აფხაზავა მსოფლიოს საუკეთესო მასწავლებელთა ათეულშია - ფინალისტები ჰიუ ჯეკმანმა წარადგინა (ვიდეო)
„მივიღე გადაწყვეტილება წავიდე ბანკიდან, სადაც ჩემი ცხოვრების 27 წელი გავატარე" - მამუკა ხაზარაძის საგანგებო მიმართვა
დაწერე კომენტარი