ილორის წმ. გიორგის ტაძარში რუსმა მღვდელმსახურმა მეტლახი დააგო

ოკუპირებულ აფხაზეთში მდებარე მე-11 საუკუნის ილორის წმინდა გიორგის სახელობის ტაძარში კედლების გადაღებვის, რუსული გუმბათის დადგმისა და უნიკალური ქართული წარწერების წაშლის შემდეგ, რუსმა მღვდელ-მსახურმა ეკლესიაში მეტლახის იატაკი დააგო.

cyc

კადრებში, რომელიც კურიერს ოკუპირებული ტერიტორიიდან მიაწოდეს, კარგად ჩანს უძველესი ქვებიც, რომლებიც რუსმა მღვდელმსახურმა ილორის ტაძრიდან აყარა და საკუთარი სახლის ეზოში ახალ სამლოცველოს აშენებს.

ილორის წმინდა გიორგის ტაძრის განადგურება საოკუპაციო რეჟიმმა 7 წლის წინ დაიწყო. კულტურული მემკვიდრეობის სააგენტოში ამბობენ, რომ არა ერთი მიმართვის მიუხედავად, ოკუპირებულ ტერიტორიაზე უძლურია ყველა საერთაშორისო ორგანიზაცია. სპეციალისტების განმარტებით, ძეგლების განადგურების პროცესს ვერც ქართული ეკლესიის ჩარევა შეაჩერებს.

სანამ ოფიციალური თბილისის კონტროლირებად ტერიტორიაზე ფიქრობენ, როგორ გადაარჩინონ კულტურული მემკვიდრეობის ძეგლები, ოკუპირებულ აფხაზეთში მცხოვრები ქართველები არ გამორიცხავენ, რომ ქართულ ტაძრებს რუსულმა ეკლესიამ ქართული კვალის საბოლოოდ წასაშლელად, სახელები გადაარქვას.

წყარო: rustavi2.com

რეკლამა

დაწერე კომენტარი