“იბერიას” საქმე და სკანდალური სატელეფონო ჩანაწერები – პროკურატურამ გამოძიება დაიწყო

იბერია

თბილისის პროკურატურამ მედიაში გასულ აუდიოჩანაწერთან დაკავშირებით გამოძიება დაიწყო.
ამის შესახებ უწყების მიერ გავრცელებულ განცხადებაშია ნათქვამი.

სისხლის სამართლის საქმე აღძრულია საქართველოს სისხლის სამართლის კოდექსის 180-ე მუხლის მესამე ნაწილის „ბ“ ქვეპუნქტით, რომელიც სხვისი კუთვნილი დიდი ოდენობით ფულადი თანხის მოტყუებით დაუფლებას გულისხმობს.
გამოძიების დაწყების საფუძველი გახდა სხვადასხვა მედია საშუალებებით გავრცელებული აუდიოჩანაწერი, რომელიც სავარაუდოდ  ლ.ყ.-ს და ზ.ო.-ს შორის შედგა და სადაც საუბარია ორი მილიონი აშშ დოლარის სანაცვლოდ სახელმწიფო ბიუჯეტის წინაშე არსებული დავალიანების რესტრუქტურიზებაზე.
ამასთან,  აუდიოჩანაწერში დაფიქსირებულ გარემოებებთან კავშირი,  2018 წლის 11 სექტემბერს გავრცელებული განცხადებით უარყო ბიზნესმენმა უ.მ.-მ, რომლის სახელიც, სავარაუდოდ,  საუბარში ფიგურირებს.
გამოძიების ეტაპზე, საქმესთან დაკავშირებით, ჩატარდება სრულყოფილი საგამოძიებო და საპროცესო მოქმედებები, მიღებული გადაწყვეტილების შესახებ კი დამატებით ეცნობება საზოგადოებას.

პოპულარული

"იაგუნდი" სოფო ბათილაშვილის შესრულებით და შთაბმეჭდავი გარემო - უცნობი კადრები კახა კალაძის და ანუკი არეშიძის ქორწილიდან(ვიდეო)
„დავით აღმაშენებელს არ ჰგავს?“... კალას ტორტი და ანუკის კაბა - რა ხდებოდა თბილისის მერის ქორწილში (ვიდეო-ფოტო)
მოცეკვავე შადრევანში გაქცეული ზელენსკი და დაბნეული დაცვა (ვიდეო)
“ისე გარბოდა... შიშისგან უკან არც იხედებოდა…” – რას იხსენებს გიორგი რურუა ლევან ვასაძეზე
დაწერე კომენტარი