დოდო გუგეშაშვილი: თავდასხმის უკან შესაძლოა ფსიქიკურად შერყეული სექტა იდგეს

დოდო გუგეშაშვილი

„სამწუხაროდ არ მაქვს ინფორმაცია და ვერც მოვიაზრებ ვინ შეიძლება იდგეს თავდასმხის უკან, გარდა ფსიქიურად შერყეული ჯგუფისა ან სექტისა“, – ასე უპასუხა პოლკოვნიკმა და აფხაზეთის ომის ვეტერანმა დოდო გუგეშაშვილმა, „ტვ პირველის“ ეთერში დასმულ შეკითხვას, თუ ვინ შეიძლება იდგეს მასა და მის შვილზე განხორციელებული თავდასხმის უკან.

დოდო გუგეშაშვილი ამბობს, რომ ის გამოძიებას ვერ დაეხმარება, რადგან თავდამსხმელის იდენტიფიცირება მისი ჩაცმულობიდან და სახის ნაკვთებიდან გამომდინარე, არ შეუძლია.

„სამწუხაროდ, გამოძიებას ვერ ვეხმარები, გამოდინარე იქიდან, რომ თავდამსხმელი არც ჩაცმულობით, არაფრით გამორჩეული არ იყო. კაპიშონი ჰქონდა წამოფარებული, შუბლი დაფარული, წარბი დაფარული, გაუპარსავი, სახის არცერთი ნაკვთი არ ჰქონდა დასამახსოვრებელი ჩემთვის და სამწუხაროდ, ვერაფრით ვეხმარები გამოძიებას“, – ამბობს დოდო გუგეშაშვილი.

გუგეშაშვილი ფიქრობს, რომ რადგან თავდამსხმელმა მასაც ესროლა და მის შვილსაც, მისი სამიზნე ორივეა.

„ვინაიდან აღმოჩნდა, რომ ჩვენ ორივეს გვეროლა, ვფიქრობ რომ ორივე ვიყავით სამიზნე“, – ამბობს გუგეშაშვილი.

შეგახსენებთ, დოდო გუგეშაშვილს და მის შვილს 7 თებერვალს, საკუთარ საცხოვრებელ სახლში თავს დაესხნენ. ცეცხლსასროლი იარაღიდან გასროლის შედეგად დოდო გუგეშაშვილი დაიჭრა, ხოლო მისი შვილი, ნოდარ გუგეშაშვილი ადგილზე გარდაიცვალა.

პოპულარული

" მეზიზღებით! დამალეთ ეს ქვეყანა !"- ქართველი გოგონას მწვავე წერილი საოცნებო ამერიკიდან
"პატიება არ გაბედოთ, მობრწკენაზეც გქონდეთ უმწვავესი რეაქცია... ჩაუჯექით პატრულს მანქანაში და არ გამოხვიდეთ სანამ არ გამოკეტავთ ციხეში!" - ნანუკა გულუა ხაშურში მომხდარ დაჭრაზე
რა გელოდებათ აპრილში ზოდიაქოს ნიშნების მიხედვით? - ასტროლოგიური პროგნოზი
"ბედის ირონიაა, მდინარაძე რამდენიმე პიროვნებას ჩემს შესახებ წერდა მესიჯს და შემთხვევით ჩემთან გამოეგზავნა"- ბესელია
დაწერე კომენტარი