ზურაბიშვილმა “ქართუს” ვალი გადაიხადა

სალომე ზურაბიშვილს სახელმწიფო ბიუჯეტიდან მილიონი ლარი დაერიცხა. პრეზიდენტმა ბანკ „ქართუდან“ აღებული მილიონი ლარის ოდენობის სესხი დაფარა. 

აღნიშნული სესხი სალომე ზურაბიშვილმა 2018 წლის ოქტომბერში, საარჩევნო პერიოდში აიღო.

ზურაბიშვილის გარდა, სახელმწიფო ბიუჯეტიდან მილიონ-მილიონი ლარი დაერიცხათ „ევროპულ საქართველოს“ და „ნაციონალურ მოძრაობას“

„საარჩევნო კოდექსის“ მიხედვით, კანდიდატს, რომელიც არჩევნებში ხმათა 10%-ზე მეტს დააგროვებს, კამპანიაზე გაწეული ხარჯების დასაფინანსებლად ბიუჯეტიდან 1 მილიონი ლარის მოთხოვნის უფლება აქვს.

დაწერე კომენტარი