ვაკის გამგეობამ განსახორციელებელი 51 პროექტი დააფინანსა

ვაკის რაიონის გამგეობამ ბინათმესაკუთრეთა ამხანაგობებში განსახორციელებელი 51 პროექტი 574 978 ლარით დააფინანსა.

cyc

როგორც „ინტერპრესნიუსს“ თბილისის მერიიდან აცნობეს, ხელშეკრულებები 306 000 ლარზე უკვე დადებულია და ამ დროისთვის, თანადაფინანსებული პროექტების ფარგლებში, ვაკის რაიონში სხვადასხვა სახის სამუშაო 10 ობიექტზე დაწყებულია. ბინათმესაკუთრეთა ამხანაგობების ხელშეწყობის პროგრამის ფარგლებში, მრავალბინიან კორპუსებში შიდა წყალ-კანალიზაციის რეაბილიტაცია, ნაპრალების ამოვსების სამუშაოები, სახურავებისა და ლიფტების შეკეთება მიმდინარეობს. ნებისმიერი პროექტის დაფინანსების მისაღებად, ამხანაგობის თავმჯდომარემ თვის 1-10 რიცხვის ჩათვლით, განცხადება გამგეობაში უნდა შეიტანოს. განაცხადთან ერთად თავმჯდომარემ უნდა წარადგინოს შემდეგი დოკუმენტაცია: ამხანაგობის წევრთა 2/3-ის ხელმოწერები; ამხანაგობის მიერ შერჩეული მეწარმე სუბიექტის მიერ შედგენილი ხარჯთაღრიცხვა; დეფექტური აქტი; დისკი (სადაც ჩაწერილია ხარჯთაღრიცხვა და დეფექტური აქტი); მეწარმე სუბიექტის ბრუნვა, არანაკლებ 20 ათასი ლარისა; ცნობა შემოსავლების სამსახურიდან (თუ დღგ-ს გადამხდელია) ამხანაგობის აღრიცხვის ფურცლის ქსეროასლი.

რეკლამა

დაწერე კომენტარი