ე.წ. ტერორიზმის საქმეზე პროკურატურამ დასკვნითი სიტყვა წარმოთქვა

სასამართლო პროცესი

თბილისის საქალაქო სასამართლოში ე.წ. ტერორიზმის საქმეზე პროკურატურამ დასკვნითი სიტყვა წარმოთქვა.

საქმის პროკურორის ნანა ხუნჯუას თქმით, აქცენტები იმ დეტალებზეა გამახვილებული, რომელიც სარწმუნოს ხდის, რომ ბრალდებული პირები დამნაშავეები არიან. სახელმწიფო ბრალდებამ მტკიცებულებად ექსპერტიზის დასკვნები, ვიდეო და აუდიო ჩანაწერები, ასევე მოწმეთა ჩვენებები წარადგინა.

„შევაჯერეთ და მიმოვიხილეთ ყველა ის მტკიცებულება, რომელიც ამ საქმეზე შევკრიბეთ. შესაბამისად, ვფიქრობთ, რომ მივაწოდეთ სასამართლოს მტკიცებულებათა ის სტანდარტი, რომელიც საკმარისი და აუცილებელია გამამტყუნებელი განაჩენის გამოსატანად“, – განაცხადა ნანა ხუნჯუამ.

ტერორისტული ორგანიზაციის ხელშეწყობისათვის ერთ-ერთი დაკავებულის, ზურა იდოიძის ადვოკატი დავით მოდებაძე აცხადებს, რომ პროკურატურამ სასამართლოს თავისი ვერსია შესთავაზა.

„იდოიძის ნაწილში გეტყვით, რომ არანაირი მტკიცებულება არ არის და ვერანაირ დასკვნით სიტყვას ვერ შემოგვთავაზებდა. მტკიცებულებები მხოლოდ და მხოლოდ გორნაკაშვილისა და ჩოფრანაშვილის ჩვენებებია, რომლებიც ელოდებიან საპროცესო შეთანხმებას იმის გამო, რომ იცრუეს და ტყუილი თქვეს. მინდა, დავარწმუნო სასამართლო და პროკურატურა, რომ ამ საქმეზე გამამტყუნებელი განაჩენი ვერ დადგება და ის მტკიცებულებები, რაც აქვთ იდოიძის ნაწილში, იძლევა იმის შესაძლებლობას, რომ გამამართლებელი განაჩენი დადგეს. მივმართავ მთავარ პროკურორს, დაავალოს პროკურატურას, შემდეგ პროცესზე მოიტანოს დევნის შეწყვეტის შესახებ დადგენილება“, – განაცხადა ადვოკატმა.

საქმის მოცულობის გამო, ბრალდების მხარეს დასკნითი სიტყვის წარმოთქმისთვის ორი პროცესი დასჭირდა. შემდეგ სხდომაზე დასკვნით სიტყვას დაცვის მხარე წარმოთქვამს.

დღევანდელი სასამართლო სხდომა დახურულ კარს მიღმა მიმდინარეობდა.

შეგახსენებთ, ტერორიზმის საქმეზე ბრალდებულია ექვსი პირი. ორს ბრალად ედება ტერორისტული ორგანიზაციის წევრობა, ოთხს კი ტერორისტული ორგანიზაციის ხელშეწყობა.

loading…

პოპულარული

შეიარაღებული თავდასხმა სტრასბურგში - მოკლულია 2 და დაჭრილია 11 ადამიანი
"ოცნების" ხელისუფლება სკანდალში ეხვევა: "ვაშინგტონი ღრმად შეშფოთებულია ელჩის არყოლის გამო" - აშშ-ის ელჩის მოვალეობის შემსრულებელი
ზურაბიშვილის რეგისტრაციიდან მოხსნა - სასამართლომ გაერთიანებული ოპოზიციის სარჩელი არ დააკმაყოფილა
ძალადობა, ამომრჩევლის მოსყიდვა, სახელმწიფო რესურსების ბოროტად გამოყენება - ბრიტანული ანალიტიკური ცენტრი საპრეზიდენტო არჩევნებს კრიტიკულად აფასებს
აშშ-ის სახელმწიფო დეპარტამენტი სომხეთში ჩატარებულ არჩევნებს ხალხის ფართო ნდობით გამორჩეულს უწოდებს, საქართველოსთან მიმართებით კი მრავალრიცხოვანი დარღვევებებზე საუბრობს
ბიძინა ივანიშვილის დედა გარდაიცვალა
ხეოფსის პირამიდის თავზე სექსის ამსახველი ფოტოს გამო ეგვიპტემ გამოძიება დაიწყო (ვიდეო)
"გუშინ მანქანამ დაარტყა და არ გააჩერა, მდგომარეობა მძიმეა, მაგრამ იქნებ ერთად ვუშველოთ" - მაკა ჩიჩუა
ერთწლიანი ქორწინების შემდეგ, ქალი 300 წლის წინ გარდაცვილი მეკობრის სულს დაშორდა
დაწერე კომენტარი