ეს არ არის სიცოცხლე, მე ვარ მუდმივად სიკვდილში – მაია ასათიანი საზოგადოებას მიმართავს

რამდენიმე დღის წინ, მაია ასათიანმა სოციალურ ქსელში საცურაო აუზზე გადაღებული ფოტოები გამოაქვეყნა, რასაც არაერთგვაროვანი რეაქცია მოჰყვა და კიდევ ერთხელ გახდა ბულინგის მსხვერპლი.

კრიტიკოსებისგან შეწუხებულმა ტელეწამყვანმა ინსტაგრამზე ცოტა ხნის წინ ვიდეომიმართვა გაავრცელა. 

„ყველას მინდა გითხრათ დიდი მადლობა, რადგან თითოეული თქვენი კარგი სიტყვა, რა მდგომარეობაშიც მე ვარ მნიშვნელოვანია. სულ ვაძლევ საკუთარ თავს პირობას, რომ უარყოფით დამოკიდებულებაზე აღარ მექნება რეაქცია. მაგრამ მაინც ძალიან მოქმედებს ეს ჩემზე. 

მაპატიეთ, იმ ადამიანებს მივმართავ, ვისაც ახსნა სჭირდება, რას ნიშნავს ქალისთვის ერთადერთი შვილი რომ უკვდება. ეს არ არის სიცოცხლე, მე ვარ მუდმივად სიკვდილში და მუდმივად ვებრძვი ამას. თქვენ მინდა გითხრათ – ქალებს და დედებს, რომლებიც მლანძღავთ რომ ზაფხულში საცურაო აუზზე მაცვია წითელი, მე ვარ ცოცხალი, ვაგრძელებ ცხოვრებას, რომელიც ცოცხალი არ არის. ყოველ წამს ვიხედები გვერდით, რადგან მგონია ჩემი შვილი აქ არის. მადლობა ყველას ვინც გვერდით მიდგას, უცნობებს და ნაცნობებს. რატომ მჭირდება აგიხსნათ რომ ცუდად ვარ არ ვიცი? მინდა იცოდეთ ყოველთვის კარგად არ ვარ. კარგად ყოფნა ჩემნაირი ქალისთვის შეუძლებელია. რა გითხრათ აბა? გათენება და დაღამება შვილმკვდარი ქალისთვის არის კოშმარი. მე ვცდილობ ეს კოშმარი ჩემთვის გაძლებადი იყოს და ვაკეთებ იმას, რაც მე და ჩემს შვილს ძალიან გვიყვარდა – ვცურავ. გაგიკვირდებათ და 21-ე საუკუნეში ცურვა საცურაო კოსტიუმით არის შესაძლებელი. ღმერთმა არავის მოუვლინოს ეს სასჯელი, ყველას თავისი ჯვარი აქვს“ – ამბობს მაია მიმართვაში. 

პოპულარული

18 აგვისტოს ასტროლოგიური პროგნოზი
საზარელი ავარია თბილისში - დაღუპულია ორი ადამიანი
"სახლში დამაბრუნეთ, არ მინდა ხელფასი და არ მინდა პოლონეთში მუშაობა" - პოლონეთში სამუშაოდ წასული ახალგაზრდა ქალი დახმარებას ითხოვს
შემზარავი შემთხვევა სენაკი-თბილისის ცენტრალურ მაგსიტრალზე - 2 ადამიანი მანქანაში დაიწვა (ვიდეო)
დაწერე კომენტარი