ერევანში ხავერდოვანი რევოლუციის დაწყება გამოაცხადეს

პოლიციელებით გარშემორტყმული პარლამენტის შენობაში პრემიერობის კანდიდატი სერჟ სარგსიანი დეპუტატების წინაშე გამოდის, ამის პარალალურად ოპოზიციონერი ნიკოლ პაშინიანი საფრანგეთის მოედანზე ათასეულობით თანამოაზრეს სიტყვით მიმართავს.

„პარლამენტში უკვე დაიწყო მარიონეტული სხდომა, რესპუბლიკის სხვადასხვა ქალაქში კი მასობრივი დემონსტრაციები იმართება. გიუმრიში მოედანზე ათასობით ადამიანი გამოვიდა მოედანზე, იჯევანში ბოიკოტს უცხადებენ სასწავლო პროცესს, გადაკეტილია იჯევანი-ერევანის მაგისტრალი. ვანაძორშიც სასწავლო პროცესის ბოიკოტია, ერევანშიც და ამასთან ბლოკირებულია გზები. დღეს დილით სკოლის მოსწავლეებმა ალყა შემოარტყეს საგარეო საქმეთა მინისტრის მანქანას. რა სიტუაციაა ეს? მე ოფიციალურად ვაცხადებ, რომ ქვეყანაში რევოლუციური სიტუაციაა, და მე ახლა არაძალადობრივი ხავერდოვანი რევოლუციის დაწყებას ვაცხადებ.

დილით, ჩვენ რომ სიმტკიცე არ გამოგვეჩინა, პოლიცია ჩვენ დაშლას შეძლებდა. მათ გამოიყვანეს სომხეთის მთელი სპეცტექნნიკა და პოლიცია. ჩვენ უნდა შევინარჩუნოთ სიმტკიცე. სახალხო რევოლუციის გამოცხადებისას, ჩვენ უნდა განვახორციელოთ ხალხის რევოლუცია. ახლა ჩვენ გავმართავთ მსვლელობას და მოვახდენთ სხვა სამთავრობო შენობების პარალიზებას. მოვაწყობთ მჯდომარე გაფიცვას ყველგან სადაც შესვლას შევძლებთ, სადაც ვერა, იქ ქუჩაში დავჯდებით.

ორი შენიშვნა: ჩვენ ვიბრძოლებთ მშვიდობიანად, ცარიელი ხელებით, ჩვენ გამოვრიცხავთ რაიმე სახის ძალადობას ჩვენი მხრიდან. ხელისუფლება უნდა ეკუთვნოდეს ხალხს. ისინი ვერ შეძლებენ ჩვენ დამარცხებას, ჩვენ ნდა დავიწყოთ ქსელური ბრძოლა და სერჟ სარგსიანმა უნდა დაინახოს, რომ მას არ ჰყავს ხალხი, რომელსაც მართავს. გაუმარჯოს ხავერდოვან რევოლუციას, გაუმარჯოს სომხეთის რესპუბლიკის ხალხს და სომხეთის რესპუბლიკას. ასე რომ, გადადგი ნაბიჯი, უარყავი სერჟი.“- განაცხადა ნიკოლ პაშინიანმა საპროტესტო აქციაზე გამოსვლისას.

ეს მასალა წარმოადგენს ადრინდელი ფაქტის გაგრძელებას, იხილეთ წინა სტატია
loading…

პოპულარული

საქართველოს პატრიარქი საგანგებო მიმართვას ავრცელებს - ილია მეორე სასულიერო პირებს თავშეკავებისკენ მოუწოდებს
"თქვენ არ გაქვთ იდეალები და ფულის გარდა არაფერი გაერთიანებთ, ეს აგრესია გამოწვეულია იმით, რომ წინასწარ იცით სასტიკად დამარცხდებით"- გრიგოლ ვაშაძე ენმ-ს დეპუტატის ცემის ფაქტზე
„გრიგორიჩ დაგიძველდა ვირეშმაკული მეთოდები...“ - სააკაშვილი ივანიშვილს მიმართავს (ვიდეო)
სალომე ზურაბიშვილი მიმართვას ავრცელებს და მედიასაშუალებებს მისი განცხადებების ინტერპრეტაციაში ადანაშაულებს
ზეწოლა "იბერიასა" და "ომეგა ჯგუფზე" - ნატო ჩხეიძე მაღალჩინოსანთა გვარების დასახელებას აანონსებს
"სკოლიდან მოსულმა, ღირსებაშელახულმა რამდენიმე კითხვა დამისვა..." - ბულინგი მასწავლებლის მხრიდან ქუთაისის ერთ-ერთ სკოლაში
"ბევრი გოგო მწერს... იქნებ ვისთან ვწევარ იმწუთას, როცა შენ მწერ?" - გიორგი გასვიანი
გორის N1 სკოლის მოსწავლეები მარიხუანის ზემოქმედების ქვეშ იყვნენ (ვიდეო)
"მაქსიმეს მომხდარის გამო ბოდიშს მოუხდის... იმედი მაქვს გაკვეთილზე "კაპიშონით" აღარ იჯდება" - რა უთხრა მასწავლებელმა მშობელს შესაძლო ბულინგის შესახებ
დაწერე კომენტარი