ევროპარლამენტის წევრმა შვებულება შეწყვიტა და გუგუტიანთკარში ჩავიდა

ევროპარლამენტის წევრმა მარკტ გრეგოროვამ შვებულება შეწყვიტა და გუგუტიანთკარში ჩავიდა. 

„ეს არის ოკუპაციის უპრეცედენტო აქტი. ამის შესახებ აუცილებლად ვისაუბრებ ევროპარლამენტის შესაბამის კომიტეტებში“, – ასე გამოეხმაურა ევროპარლამენტარი გუგუტიანთკარში საოკუპაციო რეჟიმის მიერ უკანონო ბორდერიზაციის პროცესს.

ევროპელი დეპუტატის თქმით, რუსეთი ახლა მხოლოდ  იმას ამოწმებს, თუ რამდენად შორს შეუძლია წასვლა.

„ჩემი აზრით, ეს არის ოკუპაციის უპრეცედენტო აქტი. მე ძალიან არ ვეთანხმები იმას, რაც ახლა აქ ხდება და იმას, თუ როგორ ექცევიან ხალხს, რომელთა ბაღების და ზოგიერთი სახლის უკან ღობეები დამონტაჟდა. ახლა ისინი იძულებული არიან, სხვაგან გადავიდნენ. მე როგორც გავიგე, ზოგიერთი მათგანისთვის მთავრობა შეიძენს სახლებს, თუმცა ეს ქმედება რჩება რუსული აგრესიის აქტად. ამის შესახებ აუცილებლად ვისაუბრებ ევროპარლამენტის შესაბამის კომიტეტებში, – თავდაცვისა და საერთაშორისო საქმეთა კომიტეტებში. ევროკავშირმა უნდა გააკეთოს ძლიერი განცხადება, რადგან, სავარაუდოდ, რუსეთი ახლა მხოლოდ ამოწმებს იმას, თუ რამდენად შორს შეუძლია წასვლა და როდემდე არ იქნება ამაზე მკაცრი პასუხი. ვფიქრობ, რომ ჩვენ აუცილებლად უნდა გავცეთ პასუხი, რადგან წინააღმდეგ შემთხვევაში, ისინი კიდევ უფრო შორს წავლენ”, – განაცხადა მარკტ გრეგოროვამ

​მარკტ გრეგოროვასთან ერთად გუგუტიანთკარში იმყოფებოდა ფონდ თავისუფალი რუსეთის წარმომადგენელი ეგორ კუროპტევი, რომელმაც ევროპარლამენტარს მადლობა გადაუხადა, იმისთვის რომ შვებულება შეწყვიტა და საქართველოში ჩამოვიდა. 

პოპულარული

პროკურატურამ თემირლან მაჩალიკაშვილის საქმეზე გამოძიება შეწყვიტა
შს მინისტრი იზორიას ძმას ამართლებს და საკუთარ თანამშრომლებს უპირისპირდება:"იქნებ პოლიციელები აყენებენ შეურაცხყოფას, ბოლომდე ნახეთ ვიდეო?"
“ჩინეთიდან პირდაპირი ფრენების დროებითი შეჩერება მოგვიწევს” - ნათია თურნავა
ემუქრება თუ არა მკვლელი ვირუსი საქართველოს? - “ხველა, ცხელება, ცხვირიდან გამონადენი, შესაძლოა ტკივილი მკერდის არეში"- რა სიმპტომები ახასიათებს კორონავირუსს და რა საფრთხეებზე საუბრობს ქართველი ექიმი
შეპარდი: კონგრესს აქვს ბერკეტები, რომ საქართველოს მთავრობას ცხოვრება გაურთულოს
კიევში კორონავირუსის შემთხვევა დაფიქსირდა
თვითმფრინავის პილოტების ლაზერით დასხივება, რომელიც შესაძლოა, ავიაკატასტროფის მიზეზი გამხდარიყო (ვიდეო)
"ოცნება" - 25%, ყველა ოპოზიციური პარტია ჯამში 57%-ზე მეტი - საიდუმლო რეიტინგები მმართველი პარტიის კრახს წინასწარმეტყველებენ
უმძიმესი კადრები - რა მდგომარეობაში არიან კორონავირუსით დაავადებული ადამიანები
დაწერე კომენტარი