დღეიდან ის მძღოლები დაჯარიმდებიან, რომელთა ავტომობილებსაც ტექნიკური ინსპექტირება არ გაუვლიათ

დღეიდან ავტომატურ რეჟიმში მოხდება იმ ავტომობილების დაჯარიმება, რომლებსაც კანონის შესაბამისად პერიოდული ტექნიკური ინსპექტირება არ გაუვლიათ. უწყების ცნობით, ავტოსატრანსპორტო საშუალების მფლობელები შინაგან საქმეთა სამინისტროს მომსახურების სააგენტოს მომხმარებელთა სატელეფონო მონაცემების ბაზაში დაფიქსირებულ ტელეფონის ნომერზე მიიღებენ მოკლე ტექსტურ შეტყობინებას ვიდეოჯარიმის გამოწერის შესახებ. 

შეტყობინების მიღებიდან 10 დღის განმავლობაში ჯარიმის გადახდის შემთხვევაში, მოქალაქე სარგებლობს 20% -იანი შეღავათით. ხოლო იმ შემთხვევაში, თუ ვიდეოჯარიმას მოკლე ტექსტური შეტყობინების მიღებიდან 10 დღის ვადაში არ გადაიხდის, საჯარიმო ქვითარი, რეგისტრაციის ადგილის მიხედვით, მას ფოსტის მეშვეობით ეგზავნება. 

უწყების ცნობით, შინაგან საქმეთა სამინისტრომ, მთელი საქართველოს მასშტაბით, 1 441 ვიდეოკამერა უკვე დაამონტაჟა, რომლებიც სამინისტროს ერთიან ქსელშია ჩართული.

პოპულარული

"არის იმის მცდელობა, რომ მთავარი არხის გენერალური დირექტორის დაპატიმრება მოხდეს" - პროკურატურაში გიორგი გაბუნიას დაკითხვა დასრულდა
"მთავარი არხის“ ჟურნალისტების პროკურატურაში დაკითხვები გრძელდება - საგამოძიებო უწყების კითხვებს გიორგი გაბუნია პასუხობს
ვითარება ატოცში - საქართველოს საგარეო საქმეთა სამინისტრო მოუწოდებს რუსეთის ფედერაციას, დაუყოვნებლივ შეწყვიტოს დესტრუქციული მოქმედებები
"წყნარად, მშვიდად, რა არის ეს..." - გიორგი გახარია "მთავარი არხის" ჟურნალისტის კითხვამ გაღიზიანა და მას ფაქტობრივად თავს დაესხა (ვიდეო)
ძლიერი აფეთქება გურამიშვილის გამზირზე - შსს-მ გამოძიება დაიწყო
"2 წლის ბიჭუნას 15 წლის ძმა დეკემბერში დაეღუპა, პატარა კი სიკვდილს ამ წუთებშიც ებრძვის"- ომარიკოს დახმარება სჭირდება
19 ოქტომბრის ასტროლოგიური პროგნოზი
თბილისში, გურამიშვილის გამზირზე ძლიერი აფეთქება მოხდა
ინტერნეტში შეპირებული დაუვიწყარი სექსი და მოტყუებული ახალგაზრდები - პოლიცია თაღლითს ეძებს
დაწერე კომენტარი