ავიაკომპანია Wizz Air ქუთაისის აეროპორტში ბაზას დროებით აუქმებს

თვითმფრინავი

ავიაკომპანია Wizz Air ქუთაისის აეროპორტში ბაზას დროებით აუქმებს. ამასთან, Wizz Air-მა ამ თემაზე განმარტებითი განცხადებაც გაავრცელა, სადაც წერს, რომ მზადაა ეპისდიტუაციიდან გამომდინარე აღადგინოს ფრენები ქუთაისის საერთაშორისო აეროპორტიდან და შემდეგ დაამატოს კიდევ ახალი მიმართულებები:

„აქტიურად აკვირდება გლობალურ და ლოკალურ ეპიდსიტუაციას, ითვალისწინებს საქართველოს მთავრობის რეგულაციებს და განაგრძობს ქვეყანაში ოპერირებას. Wizz Air 2012 წლიდან მუშაობს საქართველოს საავიაციო ბაზარზე და კიდევ უფრო გაფართოვდა 2016 წელს, ბაზის დაარსების შემდეგ.

Wizz Air ერთ-ერთი წამყვანი ავიაკომპანია გახდა საქართველოში, რომელმაც 2.5 მილიონზე მეტი მგზავრის გადაყვანა უზრუნველყო. რამაც მნიშვნელოვნად შეუწყო ხელი ტრეფიკის და ტურიზმის გაძლიერებას ბოლო წლების განმავლობაში.

Wizz Air გამოხატავს მზაობას შეასრულოს ფრენები საქართველოსა და სხვა ქვეყნებს შორის როგორც კი აღდგება რეგულარული კომერციული ფრენები. Wizz Air მზადაა აღადგინოს ფრენები და დაამატოს ახალი მიმართულებები ქუთაისის საერთაშორისო აეროპორტიდან, როგორც კი გლობალური ეპიდემიოლოგიური ვითარება გაუმჯობესდება და მოგზაურობაზე მოთხოვნა დაიწყებს ადრინდელ ნიშნულზე დაბრუნებას“, – წერია განცხადებაში.

დაწერე კომენტარი