დამსაქმებელმა გაცილებით მეტი უნდა იზრუნოს – ვოლსკი ტყიბულის შახტში მომხდარ ტრაგედიაზე

ვოლსკი

საპარლამენტო უმრავლესობის წევრები ტყიბულში მომხდარ ტრაგედიას, რომლის შედეგად 4 ადამიანი დაიღუპა და 6 დაშავდა, ეხმაურებიან. იურიდიულ საკითხთა კომიტეტის თავმჯდომარე აცხადებს, რომ აუცილებელია, პირველ ეტაპზე დადგინდეს ტრაგედიის გამომწვევი  მიზეზი, რის შემდეგაც უსაფრთხოების მაღალი სტანდარტის დანერგვაზე მუშაობა უნდა დაიწყოს.

„ის მუშა პროცესი, რომელიც დაწყებული აქვთ შესაბამის სტრუქტურებს, როგორც სამინისტროს, ასევე კომიტეტებს სწრაფი ტემპით უნდა გაგრძელდეს, რათა კონკრეტული ღონისძიებები გატარდეს უსაფრთხოების მაღალი სტანდარტის კუთხით,“- აცხადებს ეკა ბესელია.

დამსაქმებლის პასუხისმგებლობაზე საუბრობს საპარლამენტო უმრავლესობის კიდევ ერთი წევრი გიორგი ვოლსკი. ვოლსკის განცხადებით, ინსპექტირების ძლიერი სისტემის დანერგვის შემთხვევაშიც მთავარია, დასაქმებულების სიცოცხლე დამსაქმებელმა დაიცვას.

„ამდენი ხალხის დაღუპვა არ არის ერთი და ორი ადამიანის, ან თუნდაც იმ დასახლების პრობლემა, ეს მთლიანად საქართველოს პრობლემაა და საგანგებო განხილვას საჭიროებს. მაგრამ, რამდენიც არ უნდა განიხილო, როგორი ძლიერი ინსპექტირების სისტემაც არ უნდა ჩამოაყალიბო, დამსაქმებელმა გაცილებით მეტი უნდა იზრუნოს, ალბათ, თუმცა პროფესიონალის დასკვნა არის საჭირო“, – განაცხადა გია ვოლსკიმ.

პოპულარული

აპრილიდან პასპორტი და ID მოწმობა უფასოდ გაიცემა
"ჩემთვის ძალიან მტკივნეულია, ჩემმა ბიძაშვილმა - დამ, ასე დაასრულა სიცოცხლე…ნუ აძლევთ თავს ამ უზნეობის უფლებას"- ნინი ქარსელაძე
„როგორ მახსოვს პატარა მამუკა პამპერსით, სიღნაღის აღდგენის ინიციატივით რომ შემოტანტალდა“ - რატომ დასცინიან პრემიერს
"ჩემი თემურიკა კინაღამ მომიკლეს... სიკვდილით სავსე ქალაქი!" - მამა პეტრე
დაწერე კომენტარი