“დამიმტკიცონ… და მე მოვითხოვ ჩემი შვილის ლინჩით წესით გასამართლებას ” – ბრალდებულის დედა

დამიმტკიცონ, რომ ჩემი შვილი მკვლელობის ჩადენისას ადეკვატური იყო და მე მოვითხოვ მისი ლინჩით წესით გასამართლებას, – ამის შესახებ რუსთავში, ბიძის მიერ მოკლული 13 წლის გოგიტა ირემაძის ბებიამ და მკვლელობაში ბრალდებულის, ვალერი ირემაძის დედამ, ინგა ირემაძემ განაცხადა.

მისი თქმით, ვალერი ირემაძე ჯანმრთელობის მდგომარეობიდან გამომდინარე, მომხდარს ვერ აღიქვამს და სინანულის განცდა არ გააჩნია.

“ჩვეულებრივად ლაპარაკობს, ოჯახშიც რეკავს, მაგრამ არ აქვს აღქმის უნარი, რა გააკეთა. სინანულის გრძნობა არ აქვს, რადგან ექიმი ამას ამბობს, რომ მისი ავადმყოფობის პრობლემა ესაა. ჩემი შვილი, თავისი ნებით მივიდა რუსთავის საავადმყოფოში, სადაც მას გაუკეთეს გადასხმა, გარკვეული პროცედურები და რამოდენიმე საათი დაყო იქ და რუსთავის საავადმყოფომ უთხრა მის მეუღლეს, რომ გადაეყვანათ ან ნარკოლოგიურში, ან ფსიქიატრიულში.

ჩემი შვილი დათანხმდა და პირველად მივიდა თბილისის ნარკოლოგიურში, მაგრამ არ მიიღეს, უთხრეს, რომ არ ჰქონდათ ადგილები. მერე ფსიქიატრიულ განყოფილებაში გადავიდნენ და დერეფანში სულ რაღაც 2 წუთის განმავლობაში ესაუბრებოდა ექიმი ჩემ შვილს, შეხედა და დიაგნოზი დაუსვა, რომ არაფერი არ სჭირდა და წაიყვანეთ სახლში, არ გვაქვს ადგილებიო”, – განაცხადა ინგა ირემაძემ.

როგორც მან აღნიშნა, ვინაიდან ვალერი ირემაძე ეპილეფსიითაა დაავადებული, ფსიქოტროპულ წამლებს 6 წლიდან იღებდა და მისი მისამართით გაჟღერებული ინფორმაცია, რომ აღნიშნული ტრაგედიისას სინთეტური ნარკოტიკული საშუალებების რეაქციის ქვეშ იყო, ლოგიკურია.

შეგახსენებთ, 10 თებერვალს რუსთავში ბიძამ 13 წლის მოზარდი ცივი იარაღით მოკლა და 20-მდე ჭრილობა მიაყენა. საზოგადოებაში არსებული მოარული ხმები, რომ ბრალდებულს აღენიშნებოდა დანაშაულის ჩადენისას ფსიქიკური აშლილობა და იყო შეურაცხადი, ამასთან დაკავშირებით ბრალდების მხარემ დანიშნა სტაციონალური ფსიქიატრიული ექსპერტიზა და ექსპერტიზამ აღნიშნული დაასასტურა. სასამართლოს გადაწყვეტილებით რუსთავის სასამართლომ ვალერი ირემაძეს ბრალდება მოუხსნა და საქმე დახურა. მას ორწლიანი იძულებითი მკურნალობა დაენიშნა.

პოპულარული

"კონცერტის დროს მომღერალთან კულისებში სექსი მქონდა, ამის გამო სცენაზე გასვლა დამაგვიანდა" - ავთო აბესლამიძე
"არ იცოდა რა ასაკის იყო, დაურეკა, ძალადობის მსხვერპლი ვარ და თუ არ წამიყვან, თავს მოვიკლავო - მიხეილ დვალიშვილის ახლობლები ახალგაზრდების ქორწინების დეტალებზე საუბრობენ
"ბატონო გიორგი მე თაზო მქვია, 9 წლის არ ვარ, მაგრამ..." - ლგბტ თემის წარმომადგენლის წერილი გიორგი გახარიას
აღაიანში მოკლული 7 თვის ჩვილის მამა შესაძლოა დააკავონ
დაწერე კომენტარი