დაკავებულებმა ბრალის წარდგენის ფურცელს “სლავა უკრაინა” დააწერეს და დოკუმენტს ხელი არ მოაწერეს- ადვოკატი

სპეცოპერაციისას დაკავებულ უკრაინის 6 და საქართველოს ერთ მოქალაქეს ბრალი ოფიციალურად წარედგინათ, თუმცა ისინი ბრალს არ აღიარებენ.

ადვოკატები ჟურნალისტებთან საუბრისას აღნიშნავენ, რომ უკრაინის მოქალაქეები საქართველოში მხოლოდ ტურისტული მიზნით იმყოფებოდნენ, დაკავებამდე რამდენიმე ხნით ადრე კი მათ უცნობი პირები უთვალთვალებდნენ, რომლებიც სავარაუდოდ სამართალდამცავ უწყებას წარმოადგენდნენ.

ადვოკატ გიორგი როსტომაშვილის ინფორმაციით, ბრალდებულებმა პროტესტის ნიშნად, ბრალის წარდგენის ოფიციალურ ფურცელს “სლავა უკრაინა” დააწერეს და დოკუმენტს ხელი არ მოაწერეს. მისივე თქმით, ბრალდებულებს არ აქვთ ინფორმაცია, თუ ვის შეიძლება სჭირდებოდეს მათი დაკავება.

პოლიციის შენობასთან იმყოფებოდნენ საქართველოს მოქალაქის, დაკავებული ლუკა ჩხეტიასოჯახის წევრებიც, რომლებიც დაკავების მიზეზზე ვერ საუბრობენ.

შინაგან საქმეთა სამინისტრომ თბილისში, ლიხაურის ქუჩაზე მდებარე სასტუმრო „გურუსა“ და „ალიანსში“ სპეცოპერაცია ჩაატარა. შსს-ს მიერ გავრცელებული ინფორმაციით, დაკავებულები არიან უკრაინის მოქალაქეები: ო.ნ., რ.მ., დ.კ. ი.კ., ი.ო., ს.კ. და საქართველოს მოქალაქე ლ.ჩ.

მათივე ინფორმაციით, სასტუმროს ნომრების ჩხრეკისას ამოღებულია „ბერეტას“ და „მაკაროვის“ სისტემის ცეცხლსასროლი პისტოლეტი, ავტომატური ხელნაკეთი ცეცხლსასროლი იარაღი და სხვადასხვა სახის საბრძოლო მასალა.

loading…

პოპულარული

აირჩია ხალხმა თუ დანიშნა ივანიშვილმა - სკანდალური კადრები, რომლითაც დგინდება, რომ საპრეზიდენტო არჩევნები გაყალბდა (ვიდეო)
სკანდალი, რომელიც სალომე ზურაბიშვილს უკავშირდება - ქართველი ემიგრანტისთვის წართმეული უძრავი ქონება და გაყალბებული დოკუმენტები
რომელი ქვეყნის პირველი პირები ესწრებოდნენ სააკაშვილი-მარგველაშვილის ინაუგურაციას და ვინ არიან ზურაბიშვილის სტუმართა სიაში
გრიპის ვირუსის ეპიდემია საქართველოში - სპეციალისტები მოსახლეობას აფრთხილებენ
დაწერე კომენტარი