დავით ნარმანია თოჯინების საერთაშორისო გამოფენის გახსნას დაესწრო

თბილისის მერი დავით ნარმანია ზურაბ წერეთლის თანამედროვე ხელოვნების მუზეუმში თოჯინების საერთაშორისო გამოფენის გახსნას დაესწრო.

გამოფენა საქართველოს კულტურისა და ძეგლთა დაცვის სამინისტროსა და თბილისის მერიის მხარდაჭერით იმართება.

ARTDOLL TBILISI 2016-ზე მოწვეულნი არიან ცნობილი მეთოჯინეები სხვადასხვა ქვეყნიდან. გამოფენაში ასევე მონაწილეობას მიიღებენ გამორჩეული ქართველი მეთოჯინეები თამარ კვესიტაძე, თორნიკე გოგინაშვილი და სხვები.

თბილისის მერმა გამოფენაზე მიწვეულ სტუმრებს სიტყვით მიმართა.

„მოხარული ვარ, რომ თბილისი პირველად მასპინძლობს თოჯინების საერთაშორისო გამოფენას. სამი დღის განმავლობაში, ხელოვნების ამ დარგის მოყვარულებს საშუალება ექნებათ, იხილონ არაჩვეულებრივი ნამუშევრები. მნიშვნელოვანია, რომ გამოფენაში მონაწილეობენ ცნობილი მეთოჯინეები მსოფლიოს სხვადასხვა ქვეყნიდან. აღსანიშნავია, რომ მსგავსი ღონისძიებები ხელს უწყობს დედაქალაქის კულტურული ცხოვრების მრავალფეროვნებას. გარდა ამისა, გამოფენა ხელს შეუწყობს ქალაქის ცნობადობის ამაღლებას და პოპულარიზაციას“, – განაცხადა დავით ნარმანიამ.

პოპულარული

უცნაური საახალწლო ტრადიციები, რომელთა შესახებაც წარმოდგენაც არ გაქვთ
დაპირისპირება პარლამენტში - დაჩი ბერაიამ რომან გოცირიოძეს წიხლი დაარტყა
საპროტესტო ხსნარი - რა ნივთიერება გამოიყენეს პარლამენტში, რომელიც ევაკუაციის მიზეზი გახდა
უმძიმესი ვიდეო - მანქანამ, რომელიც პარლამენტის შენობაში შედიოდა, პოლიციელს გადაუარა
დაწერე კომენტარი