დავით კიკალიშვილი ტელესივრცეში ბრუნდება – რომელ არხზე ვიხილავთ ტელეწამყვანს?

„რუსთავი 2-ის“ ყოფილი ტელეწამყვანი დავით კიკალიშვილი ტელეკომპანია „ფორმულაზე“ ახალ გადაცემას წაიყვანს.

ეს ცნობა „რადიო თავისუფლებამ“ გაავრცელა.

კიკალიშვილი — ცნობილი ტელესახე, რომელიც 20 წლის განმავლობაში, 2016 წლის ბოლომდე უძღვებოდა კვირის შემაჯამებელ გადაცემა „პოსტსკრიპტუმს“ — ახალ გადაცემას ავსტრიიდან წაიყვანს.

იგი იქ საცხოვრებლად 2016 წლის შემდეგ გადავიდა — მას შემდეგ, რაც პირადი მიზეზით დატოვა „პოსტსკრიპტუმი“ და „რუსთავი 2“. მის შემდეგ გადაცემას გიორგი გაბუნია უძღვებოდა.

რადიოს ინფორმაციით, კიკალიშვილის გადაცემა კვირაობით გავა ეთერში და ერქმევა „ფორმულა ევროპიდან“.

დაწერე კომენტარი