“26 წელი ველოდი შვილს” – აფხაზეთის ომის დროს გარდაცვლილი გმირის სულისშემძვრელი დაბრუნება

აფხაზეთში, 1993 წლის 24 სექტემბერს დაღუპულ თამაზ ტყეშელაშვილს, ლანჩხუთში, სოფელ ნიგვზიანში ხვალ დაკრძალავენ. მისი ცხედარი ცოტა ხნის წინ მშობლიურ სახლში გადაასვენეს, სადაც მას დედა ფოთოლა ტყეშელაშვილი ელოდებოდა.

“მე დღეს ბედნიერი დედა ვარ, თუ ამას ბედნიერება ჰქვია. 26 წელია ველოდი შვილს, ჩემს თამაზის, და ისიც დამიბრუნდა. სიზმარი ვნახე თითქოს ერთი ფეხით შემოვიდა სახლში, ისეთივე როგორიც ომში გავაცილე, სამხედრო ფორმით. ამ სიზმრიდან მეორე დღეს მირეკვენ და მეუბნებიან, რომ თამაზის საფლავი იპოვეს”, – განაცხადა გადმოსვენებული მეომრის დედამ, ფოთოლა ტყეშელაშვილმა.

ცნობისთვის, რამდენიმე დღის წინ უგზო-უკვლოდ დაკარგული 12 იდენტიფიცირებული პირის გადმოსვენება მოხდა, რაც შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და წითელი ჯვრის საერთაშორისო კომიტეტის ერთობლივი ღონისძიებით მოხერხდა. 1993 წელს დაღუპულ თამაზ ტყეშელაშვილს ხვალ, კვირას, 17 მარტს, მშობლიურ სოფელში დაკრძალავენ.

პრაიმტაიმი

პოპულარული

22 მაისი ლევან აბაშიძის დაბადების დღეა - "როცა ლევანი ჩამოასვენეს, მისი სახლის ფანჯრების წინ წარწერა გაჩნდა..."
"ოქრო დაულომბარდებია და ღამე სასტუმროში ბიჭთან ერთად გაუტარებია"- სასტიკ მკვლელობაში ბრალდებული დედის შესახებ ახალი დეტალები ვრცელდება
"ქორწილი მაქვს და გთხოვთ, გაითვალისწინოთ, შეცდომა დავუშვი"- ფეხბურთელი ლაშა ჩაფიძე
აღაიანში 17 წლის დედამ 7 თვის შვილი საწოლში გაგუდა და სახლიდან გაიქცა
დაწერე კომენტარი