“გაგაუპატიურებთო, წამალს დავლევთ, რომ დიდხანს გაგრძელდესო” – მოზარდი, რომელიც ათამდე პოლიციელს ძალადობაში ადანაშაულებს, ამოცნობაზე იმყოფება

პოლიციის ძალადობის მსხვერპლი არასრულწლოვანი, ამ წუთებში ქვემო ქართლის სამხარეო პოლიციის შენობაში გადაიყვანეს, სადაც მან მოძალადე სამართალდამცველები უნდა ამოიცნოს. შემთხვევა დაახლოებით 2 თვის წინ, ბოლნისის პოლიციაში მოხდა, როცა არასრულწლოვანი ქურდობის ბრალდებით დააკავეს. მოზარდი ჰყვება, რომ მისგან სამართალდამცველები თანამზრახველების დასახელებას ითხოვდნენ, რის გამოც პოლიცია მას სასტიკად გაუსწორდა. მოზარდი იხსენებ, რომ მას ხელი მოტეხეს, ქამრით სცემეს, გააშიშვლეს და ბოთლით გაუპატიურებით ემუქრებოდნენ. გამოძიება უკვე 2 თვეა მიმდინარეობს.

არასრულწლოვანი ფიზიკურ და სექსუალური სახის ძალადობაში 8 პოლიციელს ადანაშაულებს.

„მირტყამდნენ თავში, წელის არეში და სადაც მოუხერხდებოდათ ყველგან მირტყამდნენ. მოტეხილ ხელში მირტყამდნენ უმეტესად. როდესაც საავადმყოფოდან მომიყვანეს გამწარებულები იყვნენ რომ არ მიმიღეს მშობლების გარეშე და მაგ დროს მემუქრებოდნენ რომ ეხლაო, რაც იქ არ გაგიკეთეთ და რომ გეუბნებით გაგაუპატიურებთო და არ შევასრულეთო, ახლა რომ მოგიყვანეთო ბოთლზე დაგსვამთ და გაგაუპატიურებთო. რაღაც წამალს ამბობდა დავლევთო, რომ უფრო დიდხანს გაგრძელდესო შენი გაუპატიურების მცდელობაო. როდესაც მიმიყვანეს უკვე შარვალი გამხადეს და ბოთლს მადებდნენ,“-აცხადებს არასრულწლოვანი.  

ადვოკატის თქმით კი არასრულწლოვანზე ძალადობას ესწრებოდნენ პოლიციის შენობაში მყოფი სხვა სამართალდამცველები, რომლებსაც რეაგირება არ მოუხდენიათ. დაზარალებული მხარე 10-მდე პოლიციელის მიმართ სისხლის სამართლებრივი დევნის დაწყებას ითხოვს.

„გუშინ ჩავატარეთ საგამოძიებო ექსპერიმენტი. სადაც ბავშვმა აჩვენა დეტალურად თუ სად დააკავეს, როგორ ჩაიყვანეს ძალის გამოყენებით პოლიციაში, როგორ შეიყვანეს კარცერის მსგავს ოთახში სადაც აწამებდნენ, ცემდნენ, აგინებდნენ, აფურთხებდნენ. სადაც გაუპატიურების მცდელობას ჰქონდა ადგილი, ბოთლის გამოყენება და ა.შ. ეს ყველაფერი ბავშვმა აღიდგინა და აჩვენა ყველაფერი. დღეს უკვე გვაქვს ამოცნობა. და ალბათ უკვე რამდენიმე დღეში უნდა მოხდეს დაკავება და პასუხისგებაში მიცემა. წინააღმდეგ შემთხვევაში ჩვენ არ ვაპირებთ გაჩერებას,“-აცხადებს ადვიკატი, ფრიდონ სიხუაშვილი.

აღნიშნულ საქმეზე ჯერ დაკავებული არავინ არის. ფაქტის გახმაურების შემდეგ, უფლებამოსილება დროებით შეუჩერდა ბოლნისის პოლიციის უფროსს. ერთ-ერთი პოლიციელი კი რომელიც უშუალოდ მონაწილეობდა ძალადობაში, ბოლნისიდან გარდაბნის განყოფილებაში გადაიყვანეს. 

პოპულარული

"სახლში დამაბრუნეთ, არ მინდა ხელფასი და არ მინდა პოლონეთში მუშაობა" - პოლონეთში სამუშაოდ წასული ახალგაზრდა ქალი დახმარებას ითხოვს
საზარელი ავარია თბილისში - დაღუპულია ორი ადამიანი
შემზარავი შემთხვევა სენაკი-თბილისის ცენტრალურ მაგსიტრალზე - 2 ადამიანი მანქანაში დაიწვა (ვიდეო)
8 დაშავებული და ერთი დაღუპული - შემზარავი ავარია გურიაში
დაწერე კომენტარი