“ბოლო მოვლენების კონტექსტში კარგად ჩაჯდა ის რაც ხდება” – კიბერთავდასხმის შემდეგ ტვ “პირველი” მხოლოდ live რეჟიმში მუშაობას ახერხებს

უკვე ათი საათია „ტვ პირველი“ ავარიულ რეჟიმში მუშაობს. დამოუკიდებელ ტელევიზიას დაკარგული აქვს წვდომა, მთავარ სერვერზე, ვიდეო არქივზე და ყველა იმ ვიდეომასალაზე რომელსაც არხი უკვე ხუთი წელია აგროვებს. კიბერთავდასხმისშემდეგ ტვ პირველმა ისევ ვერ შეძლო საინფორმაციო გამოშვების ეთერში გაშვება. მაუწყებლობა მხოლოდ ნაწილობრივ აღდგა. ვის ინტერესებში შედიოდა არხზე კიბერთავდასხმა, ტელეწამყვანი დიანა ტრაპაიძე წინასწარი პროგნოზებისგან თავს იკავებს, თუმცა აცხადებს, რომ ის რაც ახლა ხდება ბოლო მოვლენებს საეჭვოდ ემთხვევა. ამ ეტაპზე არხი მხოლოდ ლაივ რეჟიმში მაუწყებლობას ახერხებს. 

„ფაქტობრივად ვიდეო არქივი განადგურებულია, სერვერი, ანუ ტექნიკური ბაზა რომლითაც შეიძლება მასალის მიწოდება მაყურებლისთვის ესეც არის შეტევის ქვეშ დავირუსებული და შეუძლებელია მისი გამოყენება. ფაქტობრივად ჩვენ მხოლოდ შეგვიძლია ლაივ რეჟიმში მაუწყებლობა. ახალი ამბები ვერ გავა ეთერში ამიტომ მე შევეცდები მხოლოდ ერთი კამერის და რამდენიმე ჩართვის აპარატის საშუალებით პირდაპირ ეთერში რაც ხდება დრეს, რაც მოხდება ის გადავცეთ მაყურებელს. ვერანაირი მასალა, ვიდეო რომელიც დამუშავებას საეთეროდ და მომზადებას საჭიროებს ეს შეუძლებელია ფაქტობრივად ამ დრომდე და ჩვენ ვცდილობთ ალტერნატიული რესურსები მოვძებნოთ.

ბოლო მოვლენების კონტექსტში კარგად ჩაჯდა ის, რაც ხდება მაგრამ მაინც დაველოდები საბოლოოდ რა გამოიკვეთება. თუმცა პირველადად რაც ვიცით, ეს არის იმ ტიპის კიბერშეტევა, კრიპტოვირუსი, რომელმაც მთლიანად მწყობრიდან გამოიყვანა სერვერი და გაანადგურა მასზე არსებული ყველა მასალა. მგონი საერთოდ ქუდის გარეშე გავალ ეთერში იმიტომ, რომ ესეც კი არ არის შენახული ჩვენს ტექნიკურ ბაზაში,“-განაცხადა დიანა ტრაპაიძემ.

ცოტა ხნის წინ ტვ “პირველში” შინაგან საქმეთა სამინიტროს თანამშრომლები მივიდნენ, “კურიერის” ინფორმაციით, გამოძიებას იგივე ადამიანები ატარებენ, ვინც ერთი წლის წინ თიბისი ბანკზე კიბერშეტევის საქმე ჩაიბარა, თუმცა ვერაფერი გამოიძია, იმის მიუხედავად რომ მაშინ იცოდნენ მისამართი – რუსთაველის 12, საიდანაც ბანკზე, კიბერშეტევა მოხდა. 

პოპულარული

"მე ახლა უნდა მოვყვე რას ნიშნავს სახის დაკარგვა..." - ნანუკა ჟორჟოლიანი ნინო შუბლაძეს პასუხობს
22 აგვისტოს ასტროლოგიური პრონოგიზი
"რუსთავი 2" ოკუპირებულია ბიძინა ივანიშვილის მიერ" - ტელეკომპანია კურიერის თითქმის სრულმა შემადგენლობამ დატოვა (ვიდეო)
"დედა ვწუხვარ, რომ სამსახური დაკარგე და არა მარტო დედაზე, მთლიან რუსთავი 2 -ზე..." - საბა კოდუას ემოიური პოსტი
დაწერე კომენტარი