”ჰიმნთან ერთად კახური მრავალჟამიერი შესრულდება”- ბასა ფოცხიშვილი ინაუგურაციაზე

ინაუგურაციაზე საქართველოს ჰიმნთან ერთად კახური მრავალჟამიერი შესრულდება, – ამის შესახებ რეჟისორმა ბასა ფოცხიშვილმა ჟურნალისტებს თელავში, ბატონის სასახლის ციხე-გალავნის ტერიტორიის დათვალიერების შემდეგ განუცხადა.

„დღეს იმიტომ ვართ აქ, რომ გადავწყვიტოთ, რომელ მხარეს ჩატარდება ინაუგურაცია. რაც შეეხება დეკორაციას, ეს იქნება აბსოლუტურად თანხვედრი და გარემოსთან მიმართებაში ორგანული. თუმცა, არსებობს ოფიციალური ნაწილიც, რაც მოიცავს გერბს, დროშას, მგრამ ეს იქნება მორგებული გარემოზე. სტილისტიკა იქნება ზომიერი, ელეგანტური, ღირსეული და ისეთი, რომელიც საქართველოს კულტურას შეეფერება. არასდროს საქართველოს არც არქიტექტურული ძეგლები, არც ლანდშაფტი, პომპეზური არ არის. საქართველოს ხელოვნებაში და კულტურაში ყოველთვის იყო დაცული ზომიერება და ღვთაებრივ სისადავეს რასაც ეძახიან. ჩვენ შევეცდებით, რომ ყველაფერი ეს მისადაგებული იყოს ქართულ კულტურასთან. საქართველო ყოველთვის იყო ევროპული კულტურის ნაწილი და ქართული კულტურა მოიცავს ევროპულ ელემენტებს. მუსიკალური მხარე ინაუგურაციაზე არის ჰიმნი და მინდა, რომ მრავალჟამიერი შესრულდეს. ამ საოცარი კავკასიონის ფონზე კახური მრავალჟამიერი რომ არ შესრულდეს, არ შეიძლება. პრაქტიკული სამუშაოები დღესვე დაიწყება – კონკრეტულად, ინაუგურაციის სცენარზე და ესკიზზე; ამის შემდეგ ის შეთანხმდება“, – განაცხადა ფოცხიშვილმა.

პოპულარული

"ამერიკაში აღმოვაჩინე, რომ საქართველოში ოპერაცია ტყუილად გამიკეთეს...ის ექიმი ნომერ მეორეა ჩვენ ქვეყანაში და კიდევ ვის და რას ამოაჭრის ფულის გამო ვინ იცის" - ნინო მჭედლიშვილი
"ეს ქალების შეუმჩნეველი დაჩაგვრაა" - 9 წლის დაჩის წერილი გიორგი გახარიას
"ვაიმე, ეს რა ვნახე" - რა ხდება თბილისში არსებულ ერთ-ერთ პრესტიჟულ საწარმოში(ვიდეო)
"არავის საქმე არ არის მე რა გავაკეთე, როგორც სწორად ჩავთვალე ისე მოვიქეცი" – რას პასუხობს საზოგადოების კრიტიკას მარიკო ლეჟავა, რომელიც ევროვიზიის ქართული ჟიურის წევრი იყო
დაწერე კომენტარი