ახორციელებენ ზეწოლას ადმინისტრაციულ რესურსზე და აქვთ იმედი, რომ ამის გამოყენებით მოიგებენ არჩევნებს – ლევან თარხნიშვილი

ლევან თარხნიშვილი

„ევროპული საქართველო – მოძრაობა თავისუფლებისთვის“ პოლიტიკური საბჭოს წევრი, ლევან თარხნიშვილი მესამე სექტორის მიერ წინასაარჩევნოდ გამოვლენილ დარღვევებს ეხმაურება, რომლის მიხედვითაც ადმინისტრაციული რესურსის მობილიზება ხდება სალომე ზურაბიშვილის სასარგებლოდ.

თარხნიშვილი საარჩევნო და პერსონალური მონაცემების კანონების დარღვევაზე ამახვილებს ყურადღებას, რადგან არასამთავრობოების ინფორმაციით, საჯარო მოხელეებს აძლევენ ბლანკებს, სადაც მათ იმ ადამიანების პირადი მონაცემები უნდა შეიყვანონ, ვინც გარანტირებულად ხმას სალომე ზურაბიშვილს მისცემს.

მას იმედი არ აქვს, რომ ხელისუფლებას ამაზე სათანადო რეაგირება ექნება, რადგან თარხნიშვილის თქმით, მსგავსი პრობლემა წინა არჩევნებზეც დაფიქსირდა.

„აბსოლუტურად აღმაშფოთებელი ნაბიჯია და ეს არის ერთ-ერთი ხერხი, რითიც ახორციელებენ ზეწოლას ამომრჩეველზე, ახორციელებენ ზეწოლას ადმინისტრაციულ რესურსზე და აქვს იმედი, რომ ამის გამოყენებით მოიგებენ არჩევნებს,“ – განაცხადა თარხნიშვილმა.

დამკვირვებლების ინფორმაციით, რამდენიმე რეგიონში მუნიციპალიტეტების თანამდებობის პირები საბიუჯეტო დაფინანსებაზე მყოფი უწყებების დირექტორებს და მათ თანამშრომლებს ავალდებულებენ, სალომე ზურაბიშვილის მხარდამჭერების მობილიზება მოახდინონ.

განცხადებაში, რომელიც გავლენიანმა არასამთავრობო ორგანიზაციებმა გაავრცელეს, ვკითხულობთ სიების შედგენა იმ მოტივით ხდება, რომ „ქართული ოცნების“ მხარდაჭერილმა პრეზიდენტობის კანდიდატმა სალომე ზურაბიშვილმა გამარჯვება პირველივე ტურში მოიპოვოს.

loading…

პოპულარული

ირაკლი კობახიძე და კახა კალაძე პარტიულ თანამდებობებს ტოვებენ - რას ვერ პატიობს ივანიშვილი „ოცნების“ აღმასრულებელ და გენერალურ მდივნებს
სამეგრელოში მესაფლავეებმა ერთი ქოთანი ოქროს მონეტები იპოვეს და ლომბარდში ჩააბარეს
"არანაირი დანაზოგი არ გვაქვს, საერთოდ უფულოდ ვრჩებით, მაინც მეფიქრება მომავალზე " - მაკა ჩიჩუა (ვიდეო)
"ცა ჩემომექცა... 18 წლის წარმატებული ფეხბურთელი ბიჭი იყო, რომელმაც პირველად მიიღო ნარკოტიკი, გასინჯა და თან გაგვიყოლა"
დაწერე კომენტარი