ტრაგედიის ახალი დეტალები – გარდაცვლილ მსაჯს 3 პირი ფულს სთხოვდა

გუშინ ფოთში ზღვისპირა ზოლში ეროვნული საფეხბურთო ჩემპიონატის მატჩების მსაჯი ილო ტუღუში სამართალდამცველებმა ჩამომხრჩვალი იპოვეს. ფაქტზე გამოძიება თვითმკვლელობამდე მიყვანის მუხლით დაიწყო.

გარდაცვლილის ოჯახს და ახლობლებს თვითმკვლელობის ვერსიის არ სჯერათ და ამბობენ, რომ ფაქტი შესაძლოა ე.წ. ჩაწყობილ თამაშს უკავშირდებოდეს.

ტუღუშის დედის განცხადებით, გარდაცვალებამდე ერთი დღით ადრე მის შვილთან სამი კაცი მივიდა და მათ შორის დაძაბული საუბარი შედგა. გარდაცვლილის დედის თქმით, ისინი ილო ტუღუშისგან თანხას ითხოვდნენ.

ოჯახის მიერ დასახელებული სამი პირიდან ერთ-ერთს ნუგზარ ჩხაიძეს, რომელიც ამჟამად საფეხბურთო კლუბ “ლანჩხუთის გურიის” დირექტორის მოადგილეა, “ქრონიკა” დაუკავშირდა. სატელეფონო საუბარში ნუგზარ ჩხაიძემ დაადასტურა ილო ტუღუშთან გარდაცვალებადე ერთი დღით ადრე ვიზიტი, თუმცა უარყო დაძაბული საუბარი. ნუგზარ ჩხაიძე პროკურატურასთან დაკავშირებასა და საჭიროების შემთხვევაში გამოძიებასთან თანამშრომლობას გეგმავს.

loading…

პოპულარული

"ოეე,კალ'ა,თავს შიგნიდან უნდა პირველ რიგში მოვლა და არა გარედან" - მიხეილ სააკაშვილი
აფრიკის დასახლებაში 12 წლის ბიჭის ცხედარი იპოვეს - ჯართის შესაგროვებლად წასულ ბავშვს ოჯახი 2 დღე ეძებდა
6 წლის საბა, რომელიც დაუდგენელ ვირუსს 25 დეკემბრიდან ებრძოდა, გარდაიცვალა
ნათლისღების სასწაულები - "ეს ამბავი ჩვენი დროის საქართველოში მოხდა. მესხეთში, ჭულევის მონასტრის მახლობლად"
დაწერე კომენტარი