თბილისის მერიასთან გარემოვაჭრეები აქციას მართავენ

აქციის მონაწილეები თბილისის მერიისგან დიდუბის ორ ბაზრობას შორის არსებული ჭიშკრის გაღებას ითხოვენ.

აქციის მონაწილეები ამბობენ, რომ ისინი წარმოადგენენ შპს „მ.ზ“-ს, რომლის ბაზრობის ტერიტორიაც სამი მხრიდან შემოსაზღვრა შპს „დიდუბის“ მფლობელმა. აქციის მონაწილეების თქმით, ისინი შემოსაზღვრულ ტერიტორიაზე სახანაძრო უსაფრთხოების ნორმები დარღვეულია.

მათი თქმით, ხანძრის შემთხვევაში ტერიტორიაზე სახანძრო მანქანის მოხვედრა შეუძლებელია. „ხანძრის შემთხვევაში, იქ გასასვლელი და ევაკუაციის საშუალება არ არის“, – აცხადებს ერთ-ერთი გარემოვაჭრე.

მისივე თქმით, 300-მდე მოვაჭრე უკვე წლებია, მიმართავს ყველა შესაბამის უწყებას, თუმცა მათი მოთხოვნა არ კმაყოფილდება.

აქციის მონაწილეები თბილისის მერ კახა კალაძესთან შეხვედრას ითხოვენ.

სახანძრო უსაფრთხოების წესების დარღვევის გამო თბილისში ბოლო პერიოდში რამდენიმე ბაზრობა დაიწვა. ერთ-ერთი ყველაზე მასშტაბური ხანძარი 30 იანვარს მოხდა. თბილისში თევდორე მღვდლის ქუჩაზე არსებული „ბავშვთა სამყარო“ დაიწვა, რამაც მოვაჭრეების პროდუქცია, ფაქტობრივად, სრულად გაანადგურა.

loading…

პოპულარული

აფრიკის დასახლებაში 12 წლის ბიჭის ცხედარი იპოვეს - ჯართის შესაგროვებლად წასულ ბავშვს ოჯახი 2 დღე ეძებდა
6 წლის საბა, რომელიც დაუდგენელ ვირუსს 25 დეკემბრიდან ებრძოდა, გარდაიცვალა
სკანდალი: "ქართულ სახლში" "ოცნების" ჩინოვნიკების დაპირისპირება "ქურდებთან" "რაზბორკით" გაგრძელდა
ოკუპირებულ აფხაზეთში რუსი ჯარისკაცებით სავსე БТР-ი კლდიდან გადავარდა - დაღუპულია 3 ჯარისკაცი (ვიდეო)
დაწერე კომენტარი