„არ ეამა ბიძინა ივანიშვილს პარლამენტში რომ მივედი, ცივი წყალი დალიოს“ – ნიკა მელია

 „ივანიშვილს მოუნდა, დააბრახუნა მაგიდაზე ხელი, არ ეამა, რომ იმ დღეს პარლამენტში მივედი”, – ამის შესახებ „ნაციონალური მოძრაობის” ერთ-ერთ ლიდერმა, ნიკა მელიამ პროკურატურაში დაბარებასთან დაკავშირებით „მთავარის” ჟურნალისტს განუცხადა.

მისი თქმით, იგი აქტიური პოლიტიკური ცხოვრებისგან თავს არ შეიზღუდავს.

„ცდილობენ, რომ შემზღუდონ აქტიური პოლიტიკოსი გადაცემებში სიარულით. არ შევიზღუდავ თავს არანაირად, იმიტომ, რომ არა თუ უფლება მაქვს, არამედ ეს ჩემი ვალდებულებაც არის.

ივანიშვილი მეუბნება რომ არ იარო არსადო. რაღაცნაირად ხომ უნდა დაასაბუთოს პროკურორმა, რომ ჩემი გადაცემაში მისვლა არის სახიფათო. ივანიშვილს მოუნდა, დააბრახუნა მაგიდაზე ხელი, არ ეამა, რომ იმ დღეს პარლამენტში მივედი. ცივი წყალი დალიოს”, – განაცხადა ნიკა მელიამ.

ცნობისთვის, 26 ივნისს საქართველოს პარლამენტმა მელიას სადეპუტატო იმუნიტეტი შეუჩერა, გენერალურმა პროკურატურამ კი 25 ივნისს მას ბრალი წაუყენა. როგორც პროკურორმა განაცხადა მელიას მიმართ გამოიკვეთა სისხლის სამართლის კოდექსით გათვალისწინებული დანაშაულის ნიშნები.

დღეს იგი პროკურატურაში დაიბარეს და გააფრთხილეს, რომ სასამართლოს გადაწყვეტილების დაუმორჩილებლობის განმეორების შემთხვევაში, მის მიმართ შესაძლოა, უფრო მკაცრი აღკვეთის ღონისძიება მოითხოვოს.

პოპულარული

თბილისში ჩინეთიდან მორიგი ავიარეისი ჩამოფრინდა - მგზავრები კორონა ვირუსზე არავის შეუმოწმებია
ლალი მოროშკინა თოვლში პენუარით პოზირებს - ფოტოები ინსტაგრამის გვერდიდან
ლევან ხაბეიშვილს "ოცნების" დეპუტატები ფიზიკურად გაუსწორდნენ (ფოტო/ვიდეო)
ახალი კანონი თურქეთში მამაკაცებს არასრულწლოვანი გოგოების გაუპატიურების უფლებას მისცემს
დაწერე კომენტარი