„არ დატოვოთ და არ წახვიდეთ ტელევიზიიდან, იძულებული გახადეთ, რომ გაგყაროთ” – ლუბა ელიაშვილი

„ჟურნალისტები არ არიან ქვეყნის მტრები და ვერასოდეს იქნებიან, რაკი ქვეყნის არ არიან, შესაბამისად, არც ხელისუფლებას არ არიან თუ სწორად ესმის, რა უნდა და რა სჭირდება ქვეყანას,“ – ეს განცხადება ჟურნალისტმა, ლუბა ელიაშვილმა „კურიერის“ პირდაპირ ეთერში გააკეთა. ის „რუსთავი 2″-ის გარშემო განვითარებულ პროცესებს გამოეხმაურა.

ლუბა ელიაშვილი მიიჩნევს, რომ როდესაც ტელევიზიას აქვს მაღალი რეიტინგი და მფლობელი მაინც მის გენერალურ დირექტორს ცვლის, ეს ნიშნავს, რომ მას არ უნდა ტელევიზია ბიზნესი იყოს და მას აქვს პოლიტიკური მიზნები. ჟურნალისტის აზრით, ქიბარ ხალვაში ბიძინა ივანიშვილზეა დამოკიდებული. 

„ნიკა გვარამია შესანიშნავი წარმატებული მედია შექმნა, ცხადია ყველასთვის, ეს მან იცის, თუ იცის, მაშინ რატომ ცვლის. ქიბარ ხალვაში არის სრულიად დამოკიდებული იმ ადამიანზე, ვისაც ღიად გამოუთქვამს სურვილი „რუსთავი 2-ის“ დახურვის და ეს გახლავთ ბიძინა ივანიშვილი. მოვა დრო, როდესაც ეს სტაფი, რომელიც დღეს აქ არის და ნიკა გვარამია, დასჭირდება ქიბარ ხალვაშს იმისთვის, რომ თავი შეინარჩუნოს და დაიცვას იმ ადამიანისგან, ვისზეც ჰგონია, რომ დღეს თუ საქმეს აკეთებს სამუდამოდ დაიმეგობრებს. ბიძინა ყველას თავის მეგობარს ბოლოს ემტერება,“ – განაცხადა ელიაშვილმა.

ლუბა ელიაშვილი მიიჩნევს, რომ „რუსთავი 2“ თანამშრომლებმა არ უნდა დატოვონ და ისევე გააგრძელონ კრიტიკული სიუჟეტების მომზადება, რათა ახალ მფლობელს და დირექტორს არ უნდა გაუადვილოს საქმე.

„არ დატოვოთ და არ წახვიდეთ ტელევიზიიდან, იძულებული გახადეთ, რომ გაგყაროთ. აკეთეთ თქვენი საქმე პატიოსნად, როგორც კი ხელს შეგიშლიან, ხმამაღლა თქვით ეს ყველაფერი, გახადეთ იძულებული, როგორც ნიკასთან მოუწიათ, ისე გაგაგდონ თქვენ, ამით მხოლოდ სახელს მოიხვეჭთ თქვენ,“ – განაცხადა ლუბა ელიაშვილმა.

პოპულარული

საქართველოში ტემპერატურა -5 გრადუსამდე დაიკლებს - გარემოს ეროვნული სააგენტო მოსახლეობას აფრთხილებს
1 აშშ დოლარი 2.9573 ლარი ღირს
"12 საათზე, როგორც კი ჩამოკრავს ზარი ხელში დაიჭირეთ ერთ ლარიანი მონეტა და ..." - ახალი წლის მთავარი რიტუალი
ზუგდიდში ათონის მთაზე მოღვაწე ბერი ნარკოდანაშაულისთვის დააკავეს
დაწერე კომენტარი