“არ გადავიხადე აგვისტოში მიმდინარე დღგ. ველოდე ათი დღე და ჰოი საოცრებავ…” – ნინო ჯანგირაშვილი

ჟურნალისტი ნინო ჯანგირაშვილი სოციალურ ქსელში პოსტს აქვეყნებს:

ალბათ გაინტერესებთ ჩემი დღგ–ს და ინკასოს ამბავი. მას შემდეგ, რაც ცნობილი გახდა რომ რუსთავი2–ს ბიუჯეტის 28 მილიონი მართებს, იმედის 19 მილიონი, მაესტროს კი 8 მილიონი დავწერე ფეისბუქზე, რომ აღარ გადავიხდიდი დღგ–ს. არ გადავიხადე აგვისტოში მიმდინარე დღგ. ველოდე ათი დღე და ჰოი საოცრებავ, არ დამადეს ინკასო. ოფიციალურად არც არავისთვის მიმიწერია და არც არაფერი მითქვამს. ასე ფეისბუქ სტატუსებით იმართება ქვეყანა. რათქმა უნდა, ჰაერში ჩამოკიდებულს ვერ დავტოვებდი ამ საკითხს და რისკის ქვეშ ვერ დავაყენებდი ორგანიზაციის ფუნქციონირებას. მოვითხოვე ერთწლიანი გრაფიკი და დამიმტკიცეს. დღემდე ველოდები ინფორმაციას რა ხდება ზემოთჩამოთვლილი ტელევიზიების დავალიანებასთან დაკავშირებით და რას აპირებს სახელმწიფო. არც ამ თვეში ვაპირებ დღგ–ს გადახდას, თუ არ გაასაჯაროებენ, რა ხდება ამ არხებთან დაკავშირებით. კიდევ ერთხელ ვკითხულობ: რატომ არ ახდევინებს გადასახადებს სახელმწიფო ამ სამ ტელევიზიას, რომლებიც კოლოსალურ თანხებს ხარჯავენ ყოველდღიურად (ესეიგი აქვთ ეს თანხები), ათიათას ლარიან ხელფასებს სთავაზობენ ჟურნალისტებს, და ათასობით ლარიან ხელფასებს სხვადასხვა თანამშრომლებს.

პოპულარული

სკანდალი ვანოს შოუში - სტუდიაში "ინაშვილი" და "კვიციანი" შეიჭრნენ (ვიდეო)
ამბავი, რომელმაც ქართული ფეისბუკი შეძრა - დედას, რომელმაც ჩვილი გაჭირვების გამო მიატოვა, დახმარებას სთავაზობენ
21 სექტემბრის ასტროლოგიური პროგნოზი
ძლიერი ქარი, სეტყვა, შტორმი და თოვლჭყაპი - საქართველოში ამინდი მკვეთრად გაუარესდება
დაწერე კომენტარი