„არსებობს სრულიად საფუძვლიანი ეჭვი, რომ ე.წ ციანიდის საქმე ბოკერიას გეგმის ნაწილია…“

გიგა ბოკერია

„საქართველოს მართლმადიდებელი ეკლესიის დისკრედიტაციისა და დასუსტების გეგმას, რომელიც სააკაშვილის რეჟიმიდან მოყოლებული არსებობს და ჟამ-ჟამ აქტიურდება, შეგვიძლია, პირობითად, „ბოკერიას გეგმა” ვუწოდოთ”, – ამის შესახებ „ასავალ-დასავალი” წერს და ე.წ. „ციანიდის საქმესთან” დაკავშირებით სტატიას აქეყნებს.

სტატიის მიხედვით, იმაზე მეტი დარტყმა ქართული ეკლესიისთვის არავის და არაფერს მიუყენებია, როგორიც „ციანიდის საქმემ” მიაყენა.

„სწორედ სააკაშვილის ნეოფაშისტური რეჟიმის გებელსად წოდებული გიგა ბოკერია გახლავთ კრებსითი სახე-სიმბოლო იმ ანტიქართული და ანტიმართლმადიდებული ძალებისა, რომლებიც ქართული ეკლესიის გარშემო დღენიადაგ სატანურ ფერხულს უვლიან და მართლმადიდებლობის წინააღმდეგ აღვირახსნილ პროპაგანდას ეწევიან.

 

ამ საქმისთვის „ბოკერიას ჭინკები” უცხოური ფონდებისგან მსუყე დაფინანსებასაც იღებენ და ტელეარხების მხარდაჭერაც გარანტირებული აქვთ.

 

გაცხადებული ათეისტის გიგა ბოკერიას გეგმა, რომელიც საქართველოს მართლმადიდებელი ეკლესიის ავტორიტეტის შერყევასა და მის დაშლა-დაქუცმაცებას გულისხმობს, შენიღბული მოქმედების ნაღმია, რომელიც თავის მსახვრალ საქმეს გეგმაზომიერად აკეთებს და საბოლოოდ მიზანსაც თანდათან უახლოვდება.

 

მაგალითად, ქართული მართლმადიდებელი ეკლესიისა და მისი მმართველი ორგანოს – საპატრიარქოს ირგვლივ ბოლო დროს განვითარებულ მოვლენებს კარგად თუ დავუკვირდებით და ცივი გონებით განვსჯით, სრულიად საფუძვლიანი ეჭვი გაგვიჩნდება იმის შესახებ, რომ ე.წ ციანიდის საქმე ბოკერიას გეგმის ნაწილია.

 

დანამდვილებით შეგვიძლია ვთქვათ, რომ „ციანიდის სკანდალმა” სწორედ ბოკერიას გეგმით გათვალისწინებული საქმე გააკეთა და თანაც ისე ეფექტიანად, მართლმადიდებლობის მტრები უკეთესს ვერც ინატრებდნენ.

 

უკანასკნელი ათწლეულის განმავლობაში ქართული ეკლესიისთვის არავის და არაფერს მიუყენებია იმხელა დარტყმა, როგორიც ახლა „ციანიდის საქმემ” მიაყენა!

 

სწორედ „ციანიდის საქმემ” გამოიტანა სამზეოზე მთელი ის ჩირქი და ბალღამი, რომელიც, სამწუხაროდ და საუბედუროდ, ქართული მართლმადიდებელი ეკლესიის მმართველი ორგანოს „შიდა სამზარეულოში” დაგროვილა და ჭაობის წყალივით დამდგარა”, – წერს „ასავალ-დასავალი”.

პოპულარული

პროკურატურამ თემირლან მაჩალიკაშვილის საქმეზე გამოძიება შეწყვიტა
შს მინისტრი იზორიას ძმას ამართლებს და საკუთარ თანამშრომლებს უპირისპირდება:"იქნებ პოლიციელები აყენებენ შეურაცხყოფას, ბოლომდე ნახეთ ვიდეო?"
“ჩინეთიდან პირდაპირი ფრენების დროებითი შეჩერება მოგვიწევს” - ნათია თურნავა
ემუქრება თუ არა მკვლელი ვირუსი საქართველოს? - “ხველა, ცხელება, ცხვირიდან გამონადენი, შესაძლოა ტკივილი მკერდის არეში"- რა სიმპტომები ახასიათებს კორონავირუსს და რა საფრთხეებზე საუბრობს ქართველი ექიმი
შეპარდი: კონგრესს აქვს ბერკეტები, რომ საქართველოს მთავრობას ცხოვრება გაურთულოს
კიევში კორონავირუსის შემთხვევა დაფიქსირდა
თვითმფრინავის პილოტების ლაზერით დასხივება, რომელიც შესაძლოა, ავიაკატასტროფის მიზეზი გამხდარიყო (ვიდეო)
"ოცნება" - 25%, ყველა ოპოზიციური პარტია ჯამში 57%-ზე მეტი - საიდუმლო რეიტინგები მმართველი პარტიის კრახს წინასწარმეტყველებენ
უმძიმესი კადრები - რა მდგომარეობაში არიან კორონავირუსით დაავადებული ადამიანები
დაწერე კომენტარი