(ვიდეო)„ამდენი ტყუილები მომწყინდა, სიმართლე გითხრათ, უკვე სხვა მეთოდებით ვაპირებ ამის წინააღმდეგ ბრძოლას“ – მალხაზ მაჩალიკაშვილი

მალხაზ მაჩალიკაშვილი

„ამდენი ტყუილები და ამდენი ჭორები უკვე მომწყინდა, სიმართლე გითხრათ და უკვე სხვა მეთოდებით ვაპირებ ამის წინააღმდეგ ბრძოლას,“ – ეს განცხადება თემირლან მაჩალიკაშვილის მამამ, მალხაზ მაჩალიკაშვილმა, პანკისში გამართულ აქციაზე გააკეთა.

პანკისის მოსახლეობას ორი მთავარი მოთხოვნა აქვს. ადგილობრივი მოსახლეობა ხეობაში ჰესის მშენებლობა აპროტესტებს, ასევე მთავარი მოთხოვნაა, თემირლანმაჩალიკაშვილის საქმის ობიექტური და დროული გამოძიება.

„ამდენი ტყუილები და ამდენი ჭორები უკვე მომწყინდა, სიმართლე გითხრათ და უკვე სხვა მეთოდებით ვაპირებ ამის წინააღმდეგ ბრძოლას. იმ მეთოდებს, არ მივიჩნევ საჭიროდ, გავაჟღერო. არის ჩვენი განსაკუთრებული მეთოდები, რომ დავუპირისპირდეთ ამ უსამართლობას ,“ – განაცხადა მალხაზ მაჩალიკაშვილმა.

პანკისის მოსახლეობა ამბობს, რომ ხელისუფლების წარმომადგენლებთან შეხვედრას ითხოვენ უკვე დიდი ხანია, თუმცა უშედეგოდ.

„დღემდე ვითხოვდით ხელისუფლების წარმომადგენლებთან შეხვედრას, მოსულიყო რომელიმე კომპეტენტური და მრგვალი მაგიდის პრინციპით, გველაპარაკა,“ – განაცხადა მუსა პანკისელმა.

კიდევ ერთი ადგილობრივი მკვიდრი, შენგელი ტოხოსაშვილი ამბობს, რომ ხელისუფლების კომპეტენტურმა სტრუქტურებმა მოსახლეობასთან უნდა ითანამშრომლონ.

„ძალოვანი სტრუქტურების მიერ, ძალის გამოყენება და პოლიციელების ენით მოსახლეობასთან საუბარი, ეს არ არის გამართლებული ფორმა. ჩვენ დავინახეთ ერთი შემთხვევა უკვე ძალოვანების მიერ განხორციელებული, რომელიც დამთავრდა ფატალური შედეგით,“- განაცხადა შენგელი ტოხოსაშვილმა.

loading…

პოპულარული

ირაკლი კობახიძე და კახა კალაძე პარტიულ თანამდებობებს ტოვებენ - რას ვერ პატიობს ივანიშვილი „ოცნების“ აღმასრულებელ და გენერალურ მდივნებს
სამეგრელოში მესაფლავეებმა ერთი ქოთანი ოქროს მონეტები იპოვეს და ლომბარდში ჩააბარეს
"არანაირი დანაზოგი არ გვაქვს, საერთოდ უფულოდ ვრჩებით, მაინც მეფიქრება მომავალზე " - მაკა ჩიჩუა (ვიდეო)
"ცა ჩემომექცა... 18 წლის წარმატებული ფეხბურთელი ბიჭი იყო, რომელმაც პირველად მიიღო ნარკოტიკი, გასინჯა და თან გაგვიყოლა"
დაწერე კომენტარი